အတင်း သတင်း ပါးခြင်း

ရက်ရှည်အလွမ်းတွေ ကခုန်နေတဲ့ အခန်းထဲက
ဖုန်တက်နေပေမယ့်
မှုန်ပျက်မနေတဲ့ အနမ်းတွေကို ထိုင်ငေး
လူတန်းစား ခွဲခြားသူတို့ ဘေးက
ခပ်သေးသေး ငါ့နေရာ
သူမလာချင်ခဲ့တာ ဖြေသာပါတယ် . . .

တကယ်ပါ . .
ငါချစ်တဲ့သူဆိုတာကပဲ
သူ့ကို အရာရာထက် ပိုသာစေခဲ့တာ
ကျန်တာ ဘာမှမရည်ရွယ်ပါဘူး . . .
ခုတော့လဲ အထီးကျန်ခြင်းကို
တစ်ယောက်တည်း စင်းခံရတာ
အကျင့်ပါသလိုလိုနဲ့
ဘယ်သူ့ မှငါ . . .မကြိုဆိုတတ်တာ ကြာပြီ . . .

“သတိထား” ဆိုတဲ့စကား ကိုသူ့ နား
ပြောသွားတဲ့ လူကြီးမင်းဆိုသူများ
ယုန်ကိုက်လို့ သေတဲ့ကျား
ဘယ်မှာများ ကြားဖူးထားလို့လဲ . . .

ကိုယ့်အထင်နဲ့ကိုယ် အဆိပ်မိတတ်တဲ့ လူတွေကြားမှာ
အပိုစကား ပြောရတာ ၀ါသနာမပါခဲ့တော့
လွတ်လွတ်လပ်လပ် ရူးသွပ်ခွင့်ရှိသော မနက်ဖြန်ကိုသာ
ငါ . . အမှန်တကယ် လိုချင်ပါတယ် ဆိုတဲ့အကြောင်း
သတင်းဟောင်း သတင်းကောင်း ပါး ပါ သည် . . . . ။ ။