ကိုယ့်ရဲ့ အဖြူရောင် သက်တံလေးရေ
မင်းကို ချစ်မိပြီဆိုတာ သေချာသွားတဲ့နေ့ကတည်းက
ကိုယ့်ကိုကိုယ်
ခံစားချက်နဲ့ ပတ်သက်လာရင် စစ်ကြေငြာထားပြီးသား
မင်းကိုလွမ်းတဲ့ အလွမ်းမှာလည်း ရိုးသားထားပြီးသား။
မင်းမျက်ဝန်းလေးတွေထဲမှာမှ ကိုယ်က အမှန်တရားကို ဆုပ်ကိုင်မိတာလေ
ကိုယ့်နာရီသံတွေက အခုတလော မင်းကိုပဲ အိပ်မက်, မက်ကြသတဲ့
ဒီလို ရက်စက်လွန်းတဲ့ ဧပြီမှာ
သတိရစိတ်တွေ ထိန်းမနိုင် သိမ်းမရ ဖြစ်နေပြီဆိုရင်
ကိုယ်ကတော့ ရေတံခွန်လုပ်ပြီး တ၀ုန်းဝုန်း ခုန်ချလိုက်တော့တာပဲ
ကိုယ့်အချစ်က မင်းမဖတ်ရသေးတဲ့ မင်းအတွက် သီးသန့်စာအုပ်တစ်အုပ်
ဖတ်ကြည့်ပါ၊ ဝေဖန်ပါ၊
ကိုယ့်ရဲ့ဘ၀တစ်ဝက်ကို ၀တ်ဆင်ကြည့်ပါ
မင်းမြင်နေရတဲ့ အမှန်တရားတွေဆိုတာ တကယ့်အလှတရားဖြစ်ကြောင်း
ကိုယ့်အချစ်မှာ မင်းဖွေရှာပါ။
ဒီမှာ ညီမလေးရေ
အချိန်တွေ ကြာလာလည်း
ကိုယ့်ရူးသွပ်မှုတွေက ယဉ်ကျေးလာမယ်လို့ ကိုယ်မထင်ဘူး
အလွမ်းဆိုတာ ဘယ်လိုနည်းနဲ့ပဲ ကြည့်ကြည့် မလှတာတော့ အမှန်ပဲ
ဧပြီရဲ့ အုံ့နေတဲ့ မိုးသားတွေက ကဗျာဆန်ပြီး၊
ရွာနေတဲ့ အဲဒီအလွမ်းတွေက ကဗျာမဆန်ဘူး
အဲဒါနဲ့ပဲ “လွမ်းတဲ့အကြောင်း” တစ်ပုဒ်ထပ်ဖြစ်ပါလေရော။
ဒီလိုနည်းနဲ့ပဲ ကိုယ့်ကိုကိုယ် နှစ်သိမ့် ချော့မော့ခဲ့ရပါတယ်
မင်းရဲ့ ရယ်ဟန်လေးတစ်ချို့နဲ့ …။ ။
နာရီတွေ တရွေ့ရွေ့ဖြတ်သန်းသွားတိုင်း
ငါ့အထီးကျန်မှုက ပိုပြီး ပြန့်ကား နာကျင်လာတယ်
ကောင်မလေးရေ
ရိုးအီနေပြီဖြစ်တဲ့ စကားလုံးတွေနဲ့ပဲ လွမ်းကြောင်း ကဗျာဖွဲ့ရတော့မယ်
ထစ်ငေါ့ခဲ့တဲ့အတွေးတွေက ပြန့်ကျဲသွားတိုင်း မင်းဆီပဲ
ငါ့ရဲ့ ဖရိုဖရဲမှာ မင်းက လှချင်တိုင်းလှနေ
ဘာကြောင့်မှန်းတော့ မသိဘူး
မင်းရဲ့ ရယ်ဟန်လေးမှာ ငါ့ညနေတွေ နီရဲအေးချမ်းခဲ့ရပါတယ်
ကောင်မလေးရေ
ဒီလို မင်းကို မမြင်ရတဲ့နေ့တွေဆို
ငါ့ကောင်းကင်မှာ အရောင်မစုံတဲ့ သက်တန့်တွေပဲပွင့်
ဟာလာဟင်းလင်းသီချင်းမှာ ငါ့အသွေးအသားတွေ ပဲ့ကြွေ
ဘာတစ်ခုမှလည်း အဆင်မပြေချင်ဘူး
ငါ့ရဲ့ မသေမသပ်အလွမ်းက အနားစတွေ ဖွာလန်ကြဲလို့
ငါ့ကိုငါ မှန်ထဲပြန်ကြည့်မိတော့လည်း ဝေဒနာအတုံးအခဲကြီးပဲ မြင်နေရတော့တယ်
ဒီလိုပဲ ခင်းကျင်းပြသခဲ့ပါတယ် ကောင်မလေးရယ်
ငါက လွမ်းခဲ့သမျှ သေချာချင်တဲ့ ကောင်လေ …။ ။
အလွမ်းအိပ်မက်တွေရဲ့ အကိုင်းအဖျားမှာ
ရွှေရောင် အချစ်တွေ ဖူးပွင့်ကုန်ကြပြီ။
လင်းလက်တဲ့ ဒိုင်ယာရီမျက်ဝန်းလေးရေ
သတိရစိတ်တွေက
အချိန်မှန်ရထားတစ်စင်းလို
ငါ့ရင်ခွင်ကို ဖြိုခွင်း
နှလုံးသားဘူတာကိုမှ အတင်းထိုးဝင်ဆိုက်ကြတယ်
ဒီနေ့ဟာ စိတ်လေလွင့်ရဲ့
မျက်ရည်စမ်းစမ်းမိုးနေ့ပေါ့ကွယ်
အချစ်ကြီးရှာတဲ့ ငှက်တစ်ကောင်ဟာ
သူ့အတွယ်အတာလေးဆီ ပျံသန်းမလာနိုင်ခဲ့ဘူး
ဒီမှာ ကောင်မလေးရေ
ငါဟာ အချစ်တွေနဲ့ ရူးသွပ်နေတဲ့ အိပ်မက်ကြီးဖြစ်မယ်ဆိုရင်
မင်းဟာ ကိုယ့်ရူးသွပ်မှုရဲ့ ရေဆူမှတ်
(အိပ်မက်ထဲက) အချစ်သစ်ပင်လေးပဲ ဖြစ်လိမ့်မယ်
လာခဲ့မယ်
အချစ်တွေနဲ့ ဖူးပွင့်နေပြီဖြစ်တဲ့
ကိုယ့်ရဲ့ သစ်ပင်လေးအကြောင်း ပြောပြဖို့ …။
လကွယ်ည ကြယ်လေးတွေက ပြောတယ်
“လမင်းလေးကို လွမ်းကြောင်း
ဘယ်သူ့ကို ပြောပြရမှာလဲ”တဲ့ ။
သိလား … ချစ်သူ
လေပြေညှင်းရဲ့ ညင်သာမှုမျိုးနဲ့
မင်းကို သတိရတာလေ
မှတ်မှတ်ရရ (ဒီညပါဆိုရင်)
ညပေါင်း ၂၉၃ ည ရယ်လေ …
ဒီလိုပါပဲလေ
အချစ်ဆိုတာ
နူးနူးညံညံလေး ခံစားလိုက်ဖို့တောင်
တော်တော်ခက်ခဲ
လွမ်းတဲ့ညတွေက လေးထောင့်ဆန်လွန်းတယ်။
မသေမချာ လွမ်းဆွတ်ရမှုတွေကို
ရပ်တန်းက ရပ်ပေးပါတော့ ချစ်သူ
အလင်းပြန်ခြင်း နိယာမတွေ မှန်နေဦးမယ်ဆိုရင်တော့
ဒီညပဲ … မင်းငါ့ကို သတိရကြောင်း
ငါ… အိပ်မက်ထဲ ထည့်မက်လိုက်တော့မယ် ။
